Илья Ильиннің ағасы қамауға алынды

Белгілі спортшы, ауыр атлетикадан бұрынғы Олимпиада чемпионы Илья Ильиннің ағасы пара берді деген күдікпен ұсталды.

Бұл туралы журналист Михаил Козачков өзінің Telegram-арнасында хабарлады.

«Сыбайлас жемқорлыққа қарсы қызмет Қызылордада өткен жылы 6 миллион теңге алып жатқан жерінде ұсталған қалалық прокуратураның қоғамдық мүддені қорғау бөлімінің бастығы Әлихан Базарбаевтың күрделі шиеленістерін ашуда. Белгілі болғандай, қадағалау органының қызметкері 5 балалар спорт мектебінің жұмысына оң қорытынды беру үшін ақша алған. Ал оған ақшаны бес спорт жетекшісі – Иманбек Жұмабаев, Абылайхан Ақбергенов, Серік Сексембаев, Ербол Киікбаев және ауыр атлетикадан бұрынғы Олимпиада чемпионы Илья Ильиннің ағасы Алексей Ильин жинады» деп жазады Михаил Козачков.

Ол жақында бұл іс бойынша үкім жарияланғанын атап өтті. Базарбаев кінәлі деп танылып, пара берушілердің жауапкершілігі туралы мәселе көтерілді.

«16 ақпанда бесеуі де уақытша ұстау изоляторына қамалды. Ертең бұлтартпау шарасын таңдау мәселесі шешіледі» деді ол.

Orda.kz тілшісімен телефон арқылы сөйлескен Ильин Алексей деген ағасы жоқ екенін айтты. «Менің ондай ағам жоқ, сіз қателестіңіз» деп жауап берді Илья Ильин.

Бірақ, Козачков Алексей Ильин Олимпиада чемпионының ағасы екенін дәлелдей алды.