Илья Ильиннің ағасы пара алғаны үшін сотталды

Илья Ильиннің ағасы және басқа да спорт мектептерінің басшылары пара алғаны үшін сотталды. Қылмыскерлер ірі көлемде айыппұл төледі, енді мемлекеттік қызметте жұмыс істеу құқығынан айырылды.

2022 жылдың 27 мамырында Қызылорда облысында облыстық дене шынықтыру және спорт басқармасының басшысы Жақсылық Оспановқа қатысты айыптау үкімі шықты. Ол 2020 жылдың 5 мамырынан бері қызметте. Оған 5 млн теңге айыппұл салынды.

Сол үкім бойынша облыстық олимпиадалық резервтегі мамандандырылған балалар-жасөспірімдер мектептерінің бес директоры Жұмабаевқа, Ақбергеновке, Сексембаевқа, Кикбаевқа және Олимпиада чемпионының ағасы Алексей Ильинге 10 миллионнан 20 миллионға дейін түрлі айыппұл салынды.

«Жоғарыда аталған тұлғалардың барлығы облыстағы спорт мектептерінің қызметіне жүргізіліп жатқан талдау бойынша оң шешім қабылдағаны үшін инспекторға 6,5 млн теңге көлемінде пара бермек болғаны үшін кінәлі деп танылды» делінген Антикор хабарламасында.

Сотталғандар өмір бойына мемлекеттік қызметте лауазымдарды атқару құқығынан айырылады.

Еске салсақ, ақпан айында Orda.kz редакциясы Илья Ильиннің ағасы Алексейдің ұсталғаны туралы хабарлаған болатын.