Илья Ильин марқұм Альберт Линдердің өліміне қатысты пікір білдірді

Ауыр атлетикадан төрт дүркін әлем чемпионы Илья Ильин 25 жастағы ауыр атлет Альберт Линдердің өлімі туралы өз пікірін айтты, деп хабарлайды Orda.kz.

— Біз оның психологиялық жарақат алғанын түсіндік... Жігіттерімізді осылай жоғалтамыз. Мансабымыздан кейін біз ешкімге керек емес болып қаламыз. Өмірді қайтадан бастау керек болады. Ал сенің қолыңнан зілтемірді көтеруден басқа ештеңе келмейді. Өте аянышты, – деді Ильин.

Ильин мансабын аяқтаған спортшы жігіттерге көңіл бөлу қажеттігін, оларды психологиялық тұрғыдан тығырыққа тірелуі мүмкін екеніне назар аудартты.

— Менің жанымда ішіп, құр бос отырған, дұрыс жолда жүрмей, осындай жағдайдан шыға алмай жүрген балалар бар. Ақша жоқ, жұмыс жоқ, не істеу керектігін білмейсің. Спортшылар өз проблемаларымен өздері қалады. Содан кейін де осындай қайғылы жағдайлар орын алады.

Бір-бірімізге мұқият болайық, мансапты аяқтаған спортшыларға көңіл бөлейік. Олардың көпшілігі дарынды балалар. Оларға көмектесейік, оларға назар аударайық,  – деді Ильин.

Еске салсақ, 25 жастағы дарынды спортшы, ауыр атлет Альберт Линдер өзіне қол жұмсап көз жұмды.  Болған оқиғаға байланысты Алматы облысының полиция департаменті ҚР ҚК-ның 105-бабы («Өзін-өзі өлтіруге дейін жеткізу») бойынша соталды тергеу басталғанын мәлімдеді.