Ильин, Сүлейменова және Ахметовтен Абай облысындағы өрт бойынша жауап алынады

Мәжіліс кулуарында Бас прокурордың орынбасары Жандос Өміралиев Абай облысындағы өртті тергеп жатқан қылмыстық істер аясында министрлер мен әкімдерден жауап алынатынын айтты.

Бас прокурордың орынбасарының айтуынша, тергеу енді басталғандықтан, шенеуніктердің әрекеттеріне әлі баға берілген жоқ.

Журналистер бас прокурордың орынбасарынан «экс-министр Юрий Ильин, экология министрі Зульфия Сүлейменова, сондай-ақ облыс әкімі Нұрлан Ұранхаев пен Шығыс Қазақстан облысының әкімі Даниал Ахметовтен жауап алына ма?» деп сұрады.

«Олардан міндетті түрде жауап алынады. Қазір өзге де тергеу әрекеттері, оның ішінде жедел-іздестіру сипатындағы іс - шаралар жүргізіліп жатыр» деп жауап берді Бас прокурордың орынбасары.