Ілияс Бақытжан энергетика вице-министрі болып тағайындалды

Үкімет қаулысымен Ілияс Бақытжан энергетика вице-министрі қызметіне тағайындалды.

Бұл туралы үкіметтің баспасөз қызметі хабарлады.

Ол ұзақ жылдар бойы электр энергиясын өндіру мен бөлуге маманданған коммерциялық құрылымдарда және тау-кен кәсіпорындарында жұмыс істеді. Әртүрлі уақытта ішкі аудит бөлімінің басшысы, директордың көмекшісі, басқарушы директор, бірінші басшы қызметтерін атқарған.

2019 жылы «Қазақстанның электр энергиясы және қуат нарығы операторы» АҚ басқарма төрағасының бірінші орынбасары;

2019-2022 жылдары – «Қазақстанның электр энергиясы және қуат нарығының операторы» АҚ басқарма төрағасы;

2022-2023 жылдары – «Қазақстандық цифрлық энергия қауымдастығы» АЭҚ басқарма төрағасы қызметтерін атқарды.