«ИК» мобилографы өліміне қатысты қылмыстық іс қозғалды

Полиция Астанада өткен «Ирина Кайратовна» тобының концертінде 21 жастағы мобилограф Шахназ Жылқайдаровтың өліміне қатысты тергеу жүргізіп жатыр.

Бұл туралы елордалық полиция департаментінің баспасөз қызметі хабарлады.

«Мобилографтың өліміне қатысты қылмыстық іс қозғалды. Қажетті тергеу әрекеттері жүргізілуде, тағайындалған сараптамалар әлі дайын емес. Аталған фактімен «Адам өлімі» бабы бойынша сотқа дейінгі тергеу амалдары жүргізілуде» деп хабарлады ведомстводан.

Полицейлер Қылмыстық іс жүргізу кодексінің 201-бабына сәйкес сотқа дейінгі тергеудің басқа деректері жария етілуге ​​жатпайтынын қосты.

Естеріңізге сала кетейік, қайғылы оқиға елордада «Ирина Кайратовна» тобының концерті басталардан бірнеше секунд бұрын болған еді. Әртістер қойылымға дайындалып жатқанда, жас жігіт сахнада құлап қалды.