ІІМ-ді жаппай тазарту қажет — депутат Бақытжан Базарбек

Депутат Бақытжан Базарбек ішкі істер органдарында ауқымды «тазарту» жүргізу қажеттігін мәлімдеді. Оның айтуынша, әсіресе жолда заңды елемейтін «мажорлардың» мәселесі ушығып тұр, деп хабарлайды Orda.kz. 

Алматыда тұратынын айтқан депутат күн сайын элиталық көліктермен жүйткіп, ереже бұзатындарды көретінін, бірақ олардың жауапкершілікке тартылмайтынын атап өтті. Оның сөзінше, мұндай адамдар — жоғары лауазымды тұлғалар мен ірі бизнес өкілдерінің балалары, ал оларды құқық қорғау органдарындағы кейбір қызметкерлер «қорғаштайды».

Базарбек депутаттар президентке жүгініп, ІІМ-ге жол қозғалысы жүйесінде қатаң тәртіп орнату туралы талап қоюға дайын екенін айтты.

Сонымен қатар, ол алдағы амнистия мәселесіне де тоқталды. Депутаттың жеке ұстанымы — жол ережесін бұзғандарға кешірім беруге қарсы.

Оқи отырыңыз:

• Алматының әл-Фараби даңғылындағы адам өлімі: полиция тексеріліп жатыр
• Алматыдағы бес көлік жарысып, үш адам қаза болған шулы оқиғаға қатысты қылмыстық іс қозғалды
• Әл-Фараби даңғылында болған жол апатына кінәлі 10 жылға сотталуы мүмкін