ІІМ Bek Air ұшағы апатына қаза тапқан ұшқыштарды кінәлі деп санайды

ІІМ Bek Air ұшағы апатына қаза тапқан ұшқыштарды кінәлі деп санайды, деп хабарлайды Orda.kz порталы  KursivMedia-ға сілтеме жасап.

Медиа ішкі істер министрлігіне сауал жолдап, 5 жылға жуық тергеу жүргізілген істің орындалу барысын сұраған. 

2019 жылы Алматы маңында болған ұшақ апатына қаза тапқан екі ұшқыш кінәлі деп танылуы мүмкін. 

«Әуе кемесінің командирі және екінші ұшқыш іс бойынша күдікті деп танылды, олардың іс-әрекеттері ҚК-нің 344-бабының 3-бөлігі бойынша сараланған (Жол қозғалысы және әуе көлігін пайдалану қауіпсіздігі ережелерінің бұзылуы)»  делінген ресми жауапта. 

Еске салайық, әуе кемесінің командирі, 58 жастағы Марат Мұратбаев ұшақ апаты кезінде, екінші ұшқыш 54 жастағы Мейіржан Молдақұлов бір айдан кейін көз жұмған еді.