ІІМ академиясының курсанты Алматыда 17 жастағы қызды ұрды деген күдікке ілінді

Әлеуметтік желі қолданушысы өзінің кәмелетке толмаған сіңлісін академия курсанты ұрып-соққанын мәлімдеді, деп хабарлайды Orda.kz.

Жазба авторы болған оқиғаны егжей-тегжейіне дейін баяндап берді. Оның айтуынша, қыз бен жігіт сағат 17:00-ге дейін сөйлесу үшін жолығады. Қыз жігіттің көлігіне отырған. Жігіт қыздан ұялы телефонын сұрайды. Алайда қыз телефонын бергісі келмейді. Жігіт ашуға булығып, қызды белбеуімен және қолымен тұншықтыра бастайды. Жігіт қыздың шашынан ұстап, көліктен жерге құлатып, тепкілеген. Қыз қашып кетпек болғанымен жігіт оған мүмкіндік бермепті.

Алматының полиция департаменті бұл факт бойынша қылмыстық іс қозғап, тергеу жүргізілгенін хабарлады.

Осыған қарамастан, ІІМ Алматы академиясының тәртіптік комиссиясының шешімі бойынша бұл оқиғаға қатысы бар курсант оқу орнынан шығарылды.

Айта кетейік, Астанада ерекше балалардың ата-аналарына тіл тигізген блогер ұсталды.