ІІМ академиясына қатысты ақпаратқа түсініктеме берілді

Ішкі істер министрлігі Алматы академиясының курсанттары түсірген бейнежазба желі қолданушыларының наразылығын тудырды. Ақпаратқа академия басшылығы түсініктеме берді.

Бұл туралы Orda.kz хабарлады.

Лас әрі ескі дәретханалар, тот басқан жуыну бөлмесі, қирап тұрған тақтайлар бейнеленген курсанттардың өмірі Facebook-те қызу талқыға түсті.

Академия басшылығы мән-жайды түсіндірді. Олардың айтуынша, видеоның академияға түк қатысы жоқ. Студенттер казармалар мен оқу ғимараттарында орналасқан дәретханаларды пайдаланады, онда күн сайын қажетті дезинфекция жүргізіледі.

– Біз бұл ақпарат шындыққа сәйкес келмейтінін хабарлаймыз, себебі бұл аумақ жақын маңдағы қызмет көрсету станциясына тиесілі, - деп түсіндірді ҚР ІІМ Мақан Есболатов атындағы Алматы академиясы бастығының міндетін атқарушы, полиция полковнигі Мырзабеков.

Бұл ақпаратты растау үшін ата-аналар казармадағы жағдайлардың барлық стандарттарға сәйкес келетініне жеке көз жеткізу үшін академияға шақырылды.