Алматы қаласы әкімінің орынбасары Қиқымов қызметінен кетті

Мақсат Қиқымов Алматы әкімінің орынбасары қызметінен кетті. Әкімнің бұрынғы орынбасары бұл туралы Instagram-парақшасында жазды.

Қиқымов 14 ақпаннан бастап қала әкімінің орынбасары қызметінен кететінін айтты. Бүгін оның соңғы жұмыс күні. Шенеунік әріптестері мен қалалықтарға алғыс айтты.

– Бүгін Алматы қаласы әкімінің орынбасары лауазымындағы соңғы күнім. 10 жыл бойы оңтүстік астана әкімдігінде үздіксіз жұмыс істедім. Осы уақыт ішінде сіздермен бірге қаламыздың игілігі үшін көп нәрсе жасадық. Қолдау көрсетіп, қарым-қатынас жасағандарыңызға рахмет!

– Сондай-ақ, Бақытжан Сағынтаевқа, барлық әріптесіме, әкімдік қызметкерлеріне, мәслихат депутаттарына, Қоғамдық кеңеске, қоғамдық ұйымдарға, коммуналдық кәсіпорындар мен мекемелерге алғыс білдіремін. Біз барлық өзекті мәселенің түбіне жетуге және оларды ортақ күш-жігермен шешуге тырыстық, - деп жазды Қиқымов.