«ИҚ» тәуелсіздікке арналған фильм түсірді

«Ирина Қайратовна» тобы тәуелсіздіктің 30 жылдығына арналған «Отыздан асып барамын» атты фильм түсіріп, көрермендеріне жолдады. Фильм бір күн ішінде 1 миллион көрілім жинап, қазақстандықтар фильмді түсірген шығармашылық топқа алғыстарын жаудырды.

Фильм YouTube желісінде жарияланды. Фильмнің басты кейіпкері Тәуелсіздіктің құрдасы ретінде бейнеленген. Азат есімді басты кейіпкер Қазақстан тәуелсіздік алған күні дүниеге келеді. Атасының тәрбиесінде өскен бала, 30 жыл ғұмырында түрлі жағдаймен бетпе-бет келеді.

– Жарайсыңдар жігіттер! Мен 95-ші жылғымын, сонда да көзіме жас келді. Бұрынғы кездер еске түсті, жастық шаққа барып қайттық десек те болады. Тәрбие, адал болу, опасыздық жасамау, ала жібін аттамау, жемқор болмау, патриотизм бәрі көрсетілген. Соңында конституцияның ішінде бәрі қазақша жазылған бұл өте керемет әрі әдемі көрінеді! Қуаныш қолыңды қыстым және ИҚ бәріңізге рахмет. Тәрбие тал бесіктен мәдениетімізді көрсету үшін өзімізден  бастайық, - делінген пікірлерде.