ХҚКО-ға ЖСН алу үшін 200 мыңға жуық шетелдік өтінім берген

21 қыркүйектен бастап Қазақстан Республикасының резиденті емес азаматтар ЖСН алуға 200 мыңға жуық өтінім берді, әзірге ресейліктер бойынша нақты сан жоқ, деп хабарлады мәжіліс отырысында цифрлық даму, инновациялар және аэроғарыш өнеркәсібі министрлігінің вице-министрі Әсет Тұрысов.

 — Мұнда іс жүргізгісі келетін немесе жұмысқа орналасқысы келетін кез – келген шетелдік азамат банктік шот ашады, ол ЖСН алуға міндетті,-деп еске салды вице-министр.

Ресей президенті Владимир Путин 21 қыркүйекте жұмылдыру туралы жариялағаннан кейін, әскерге шақыру жасындағы ресейліктер елден қашып кетті. Негізгі ағын Қазақстанға ағылды және нәтижесінде Қазақстан-Ресей шекарасында көп шақырымдық кезектер пайда болды. ІІМ мәліметтері бойынша, 21 қыркүйектен 4 қазанға дейін республикаға 200 мыңнан астам ресейліктер келді, оның ішінде 147 мың адам Қазақстаннан шығып үлгерді.

Ішкі істер министрі Марат Ахметжанов Қазақстан Ресейге жұмылдырудан қашқандарды қылмыстық іс жүргізілмейінше бермейтінін айтты.