Хорватия 2022 жылғы әлем чемпионатының жартылай финалына өтті

Хорватия құрамасы 2022 жылы Катарда өткен әлем чемпионатының ширек финалында Бразилияны пенальтилер сериясында ұтты.

Кездесудің негізгі уақыты 0:0, қосымша уақыт 1:1 есебімен аяқталды.

Голдарды 100-ші минутта бразилиялық Неймар және 117-ші минутта хорватиялық Бруно Петкович соқты. Пенальтилер сериясында Хорватия құрамасы 4:2 есебімен жеңіске жетті.

Пікір білдірушілер Хорватияның бұрындары ылғи  пенальтиде жеңіске жеткенін айтады. Олар соңғы рет 2008 жылы үлкен лигада пенальтиден жеңіліп, содан бері қатарынан төрт жеңіске жетті, соңғы рет сол лигада Жапонияға қарсы жеңіске жетті.

Осы кездесуде Бразилия құрамасы сапында 77-ші голын соққан бразилиялық шабуылшы Неймар ойын аяқталғаннан кейін көз жасын тыя алмады.

Неймарға ұқсамай, пенальти кезінде қақпаға дәл көздеген шабуылшы Энтони көгалға отыра қалып, көзіне жас алды.

Бразилия құрамасы соңғы бес әлем чемпионатында төртінші рет турнирді ширек финалдық кезеңде тастап отыр.

Хорватия әлем чемпионатының жартылай финалына үшінші рет шығып отыр, олардың келесі кездесуі бүгін ширек финалдың екінші ойынында Нидерландыны жеңген Аргентина құрамасымен өтеді.

Матч аяқталғаннан кейін Тите деген атпен танымал Бразилия құрамасының жаттықтырушысы Аденор Леонардо Бакши қызметінен кететінін мәлімдеді.

«Жеңілу  ауыр. Бұл циклдің соңы. Мен аз сөзді адаммын, мұны мені білетіндердің бәрі біледі. Мен бұл туралы екі жыл  бұрын айтқан болатынмын. Басқа да тамаша кәсіпқойлар бар» деп келтіреді ESPN Титенің сөзін.