ХОК басы даудан арылмаған алжирлік боксшыға қатысты мәлімдеме жасады

cover Фото: instagram/ Imane_khelif_10

Халықаралық Олимпиада комитеті Олимпиада чемпионы атанған алжирлік боксшы Иман Хелифке қатысты соңғы тараған ақпаратқа түсініктеме бермейтінін айтты, деп хабарлайды Orda.kz. 

Бұған дейін франциялық журналист Джаффар Айт Аудиа алжирлік Иман Хелифке қатысты даулы ақпарат таратты. Яғни бұл спортшының биологиялық ер адам екенін дәлелдейтін құжаттар пайда болған. 

SkySports басылымының мәліметінше, Халықаралық Олимпиадалық комитеттің баспасөз қызметі бұл ақпаратқа түсініктеме бермейтіндерін мәлімдеді.

«Иман Хелиф Париж Олимпиадасы кезінде оның жынысына қатысты күмән келтіріп, қарсы пікір айтқан адамдарға қарсы шағым түсірді және осы мәселеге байланысты сот іс қозғады. Іс қаралып жатқандықтан, ХОК расталмаған ақпаратқа қатысты түсініктеме бермейді» делінген хабарламада.


Жаңалықтар

барлық жаңалықтар