Хиллари Клинтон: Трамп «мүлдем алжи бастады»

АҚШ-тың экс-мемлекеттік хатшысы және бұрынғы бірінші ханымы Хиллари Клинтон Дональд Трамптың әрекеттері мен шешімдеріне қатысты пікір білдіріп, оны «тіпті есінен ауысқан» деп атады, деп хабарлайды Orda.kz.      

Осылайша, ол америкалық телеарналардың біріндегі жаңалықтар бағдарламасының үзіндісіне пікір білдірді. Аталған бағдарламада Клинтон қысқа сұхбат берген болуы мүмкін.

Жүргізушілердің Клинтонға қойған сұрақтары Трамптың соңғы жарияланымдарына қатысты болды. Атап айтқанда, Трамп жасанды интеллект арқылы жасалған, өзін Иса Мәсіх бейнесінде көрсеткен фотосуретті жариялағаны сөз болды.

Бұл суретті truthsocial.com желісінде жариялап қойған Трамп жұрттар сынай бастаған соң жарты күн өтпей жатып алып тастады.

Дональд Трамп Иса бейнесінде. Сурет: truthsocial.com

«Мен де Трамптың жазбаларын көпшілік америкалықтар сияқты басымды шайқап отырып оқимын, елімізді осындай ұяты жоқ президенттің басқарып отырғаны жиіркеніш сезімін тудырады», — деді Клинтон. 

Бұған дейін Трамптың Иран мәселесіне байланысты Рим папасына да соқтығып, сын айтқаны белгілі. Сонымен қатар АҚШ президентінің өзін Иран соғысында қолдамаған Еуропа елдерінің басшыларына да өкпесі қара қазандай.

 Оқи отырыңыз:

• Иран АҚШ-тың қарулы соғысына «логистикалық соғыспен» жауап беріп, стратегиялық тығырыққа тіреді
• Трамп өзін қолдамаған НАТО одақтастарын жазаламақшы
• АҚШ профессоры: Трамп тығырыққа тірелді, Иран әлемді аузына қаратып отыр