Хиджаб киген қызды ұрған ҰҚК қызметкеріне қатысты сот басталды

Алматыда ҰҚК қызметкері хиджабтағы қызды зорлауға әрекет жасады деген айыппен сот басталды.

Бұл туралы Orda.kz хабарлайды.

Қарасай аудандық сотында Алматы облысының тұрғыны Айя Өмірзақованың өтініші бойынша ҰҚК қызметкері қатысты қылмыстық іс қаралуда. Қыз қызметкерді кісі өлтіру қаупімен зорлау әрекеті үшін айыптайды.

Естеріңізге сала кетейік, өткен жылдың күзінде Айя Өмірзақова ҰҚК қызметкері оны зорлауға тырысқанын мәлімдеді.

Оның айтуынша, полицияға жүгінгеннен кейін күдікті ҰҚК қызметкеріне қатысты тергеу бірден тоқтап қалғаны анықталды. Шындыққа қол жеткізу және құқық бұзушыны жазалау үшін қыз Instagram-да көмек сұрап, объективті тергеу туралы үндеу жариялады.

Қыздың адвокаты жәбірленушіге қылмыстық іс жүргізіліп, қысым көрсетіліп жатқандғын айтады

— Кейінірек сотталушы қайын енесімен бірге менің клиентімнің үйіне келді. Олар моральдық өтемақыны өтейміз деп үйіне ақша лақтырды. Үш баласы бар екенін айтты. Қыз өтінішті қабылдаудан және құқық бұзушыны кешіруден бас тартты. Ал енді оған қарсы алаяқтық фактісі бойынша қылмыстық іс қозғалды. Ол моральдық зиян үшін ақша алып, ер кісіні кешірмеді деген айыппен өтуде. Бұл сұмдық жағдай, күш бөлімінің қызметкері, жас қызды аяусыз ұрып-соғып, оны зорлауға тырысып, өлтіремін деп қорқытты. Әрең дегенде құтқарылған қыз, алаяқтық қылмысы үшін сотталушы болады, - деді адвокат Жанна Уразбахова

Оқиға 2020 жылдың қыркүйек айында Қарасай ауданында бойжеткен үйіне жету үшін ілеспе көлікке отырған кезде болған. Ер адам қыздың орамалын шешіп, соққыға жыққан.