Хасан Қасымбаевтың соты: БАҚ өкілдерін сот залына кіргізбеді

Талғар қаласында Хасан Қасымбаев пен оның серіктестерінің соты жалғасып жатыр және жәбірленушінің соттағы жауабы көпшілікке жарияланбайды  деп хабарлайды Orda.kz.

Сотқа қатысушылар БАҚ өкілдерінің 2-сотты бейнекамераға түсіріп, парақшаларына салғанына және жәбірленушінің сөзін жариялағанына наразылық танытып, журналистерді сот залынан шығарып жіберді. 

«Сот отырысынан кейін әлеуметтік желілерде жәбірленушінің жауабы мен сот залында түсірілген видео жарияланды. Осыған байланысты жәбірленуші мен процеске қатысушы басқа да азаматтардың сотта берген жауаптарын жариялауға сот тергеуі аяқталғанға дейін шектеу қойылды», – деді судья. 

Қазір БАҚ өкілдері сот залына кіре алмағанымен, трансляция арқылы сотты көріп отыр.

Еске сала кетейік, бұған дейін прокурор Ерлан Құланбаев Хасан Қасымбаев пен оның қасында серіктес болған тұлғалардың оқиға күні не істегені жайлы айыптау актісін оқыды. Алайда айыпталушы Хасан Қасымбаев тағылған айыпты жоққа шығарып, мойындамады.

Ал 1-сотта айыпталушылардың наразылығынан, прокурор Назгүл Таукенбай сот залынан босатылды.