Харбиндегі Азия ойындарында ел қоржынына төртінші медаль түсті

Еліміздің жас спортшысы Аяна Жолдас Харбин қаласында өтіп жатқан қысқы Азия ойындарында фристайл акробатика түрінен қола медаль жеңіп алды, деп хабарлайды Orda.kz ҰОК-қа сілтеме жасап.

Жеңіс тұғырының алғашқы екі сатысын Қытай өкілдері Чиу Ментао (90,94) пен Чен Сюжэнь (81,58) бөлісті.

Аяна Жолдас 76,54 ұпай жинап, қола жүлдегер атануға мүмкіндік алды. Бұл Аянаның халықаралық деңгейдегі алғашқы ірі жетістігі.

Екі күннің қорытындысы бойынша Харбиндегі қысқы Азия ойындарында Қазақстан төрт медаль жеңіп алды, оның үшеуі күміс, біреуі қола.

Бұған дейін екінші орындарды шорт-тректен біздің құрама мен Қазақстан ұлттық құрамасының өкілі Евгений Кошкин иеленген болатын.

Қазақстандық шаңғышы Константин Борцов спринт жарысында классикалық жүріспен күміс жүлдені жеңіп алды.

7-14 ақпан аралығында Харбин мен Ябули қалаларында IX Қысқы Азия ойындары өтіп жатыр. Қазақстан атынан 137 спортшы қатысуда.