ХАМАС Тель-Авивке зымыран шабуылын жасады: 67 адам мерт болды

Израиль мен Газа секторын бақылайтын палестиналық исламшыл ХАМАС қозғалысы күресін жалғастыруда.

Бұл туралы Orda.kz хабарлады.

Палсаваның айтуынша, палестиналық қарсылық Израиль армиясының Газаны бомбалауына жауап ретінде төртінші күн қатарынан Израиль қалалары мен елді мекендеріне соққы беріп жатыр. 13 мамырда таң сәріде Аль-Кассам бригадалары (ХАМАС-тың жауынгерлік қанаты) Ашдод, Тель-Авивке зымырандар жаудырып, Иерусалимді басып алды. Палестиналық зымырандарының ұшырылуы Петах Тиква аймағында электр қуатының үзілуіне себеп болды. Тель-Авивтегі кейбір ғимараттарға да зымырандар ұшырылды.

#شاهد إطلاق صواريخ على عسقلان ويظهر في الفيديو سقوط صاروخ#فلسطين_تنتقض pic.twitter.com/YcInbc8nfX

— وكالة سوا الإخبارية (@palsawa) May 12, 2021

The Jerusalem Post газетінің хабарлауынша, Израиль қорғаныс күштері 13 мамырда таңертең Газа секторына бірнеше соққы жасап, ХАМАС-тың ішкі қауіпсіздік штабын, қозғалыс банкін және аға қолбасшының үйін қиратты.

– Израиль ХАМАС-тың жоғары әскери қолбасшылығына соққы беріп, бірнеше жоғары дәрежелі содырларды жойып үлгерді. Қаза тапқандардың арасында Басам Иса - Газа Сити бригадасының бастығы және киберкеңістіктегі операциялар тобының жетекшісі Джамаа Тахла да болды. Штаб бастығының орынбасары болған ХАМАС өндірістік бөлімшесінің инженерлік бөлімінің бастығы Хазем Хатиб өлтірілді, - деп жазды басылым.

Снарядтар салдарынан Газа секторында қаза тапқандар саны 67-ге дейін жетті, ал Израильде жеті адам қайтыс болды, деп хабарлады Reuters. Газа секторы денсаулық сақтау министрлігінің мәліметінше, қаза тапқандардың арасында 17 бала бар. 388 адам әртүрлі дәрежеде жарақат алды, оның 115-і балалар болса, 50-і әйел.

Израиль армиясының мәліметінше, үш күндік қарсыластықта Газадан Израильге 1500-ге жуық зымыран атылған, бірақ олардың көпшілігін «Темір күмбез» әуе қорғанысы жүйесі ұстап алған.