ХАМАС қарулы тобының жетекшісі Яхья Синвар қаза тапты

Газа секторындағы арнайы операция кезінде ХАМАС-тың үш өкілі қаза тапты, деп хабарлайды Orda.kz.

«Цахал мен Шабак террористердің бірі Яхья Синвар болуы мүмкін деген нұсқаны тексеруде. Қазіргі уақытта террористердің тұлғалары расталмаған», – деп хабарлады Израиль әскері. 

Sky News Arabia арнасы өз дереккөздеріне сілтеме жасай отырып, ХАМАС жетекшісінің қазасын растады. Дегенмен, қозғалыстың өзі бұл жаңалыққа әлі пікір білдірген жоқ. Синвар тамыз айының басында ХАМАС жетекшісі қызметін Исмаил Ханияның Тегеранда өлтірілгенінен кейін қабылдаған еді. Яхья Синвар 1962 жылы Газа секторының оңтүстігіндегі Хан-Юнис қаласындағы босқындар лагерінде дүниеге келген. Ол Израиль түрмелерінде 20 жылдан астам уақыт өткізіп, 2011 жылы бостандыққа шыққан.