ХАМАС Израильдің айыптауларына жауап берді

ХАМАС өздерінің Газа Секторындағы Катар мен АҚШ-тың делдалдығымен жасалған отты тоқтату туралы келісімге адал екенін мәлімдеді, деп жазады Orda.kz.

Бұл туралы Al Jazeera ХАМАС-тың ресми өкілі Иззат әл-Ришекке сілтеме жасап хабарлайды.

ХАМАС бұл мәлімдемені Израиль премьер-министрінің канцеляриясы тарапынан көтерілген айыптаулардан кейін жасады. Израиль өкілдері ХАМАС-ты келісімнің кейбір тармақтарынан бас тартқанын айтып, олардың соңғы сәтте жеңілдіктер алу мақсатында осындай қадам жасағанын білдірді.

«Биньямин Нетаньяху ішкі саясаттағы үлкен қысымға тап болды, ол Газа аймағынан бірнеше израильдіктерді қайтаруды талап етті. Алайда оның оңшыл партиялық серіктестері тым көп жеңілдіктер жасаса, үкіметті құлатуымен қорқытты. Бұл жағдай аймақтағы тұрақтылықты бұзатын күшті саяси шиеленістерге әкеп соқты», – деді Иззат әл-Ришек.

Еске салсақ, Израиль премьер-министрі Биньямин Нетаньяхудың кеңсесі ХАМАС "дағдарысты" соңғы минутта құрып, кейбір келісімдерден бас тартты деп мәлімдеді.