Хамас бітімге қол қойған екінші күні тағы 14 кепілді босатады

Бұқаралық ақпарат құралдарының хабарлауынша, 42 палестиналық тұтқынға айырбас ретінде ХАМАС лаңкестік тобының тұтқынынан тағы 14 израильдік кепілге босатылуы тиіс, деп хабарлайды Orda.kz dw.com сайтына сілтеме жасап.

Израиль «Хамас» лаңкестік тобы Газа секторындағы уақытша атысты тоқтатудың екінші күні, яғни 25 қарашада босатуды жоспарлап отырған кепілге алынғандардың тізімін алды. Бұл тізімде 14 адам бар.

CNN бұл санның Израиль түрмелер басқармасының Хамаспен келісім аясында 42 палестиналық тұтқынды босатуға дайындалып жатқаны туралы мәлімдемесіне сәйкес келетінін атап көрсетеді. Келісім шарттарына сәйкес Хамас босатылған әрбір үш тұтқынға бір израильдік кепілді босатады.

14 израильдіктің 42 палестиналыққа айырбасталуы туралы ақпаратты Мысыр шенеуніктері де растады, деп жазады Reuters және AP.

Бітімге қол қойылған бірінші күні кепілге алынған 24 адам босатылды.

Бір күн бұрын Хамас содырлары уақытша атысты тоқтату келісімі аясында 13 израильдік әйел мен баланы тұтқыннан босатқан болатын. Сонымен қатар, 11 шетелдік – он Тайланд азаматы және бір Филиппин азаматы босатылды. Олар мәмілеге қосылмаған, бұл Египеттің көмегімен жасалған бөлек келісім, деп жазады The Times of Israel. 

Бұған жауап ретінде Израиль өз түрмелерінде отырған 39 палестиналық әйелдер мен кәмелетке толмағандарды босатқан.

24 қараша күні таңертең күшіне енген бітім төрт күнге созылады деп жоспарланған. Осы уақыт ішінде кепілге алынған 50 израильдік пен 150 палестиналық тұтқын босатылуы керек болатын.

Бұған қоса, шарттарға Газа секторының үстінен Израиль авиациясының ұшуын күніне алты сағатқа тоқтату, гуманитарлық көмек пен дәрі-дәрмек тиелген 200 жүк көлігінің, сондай-ақ жанар-жағармай тиелген төрт жүк көлігінің жолақтың барлық аудандарына күн сайын өтуі кіреді.

The Times of Israel басылымының хабарлауынша, бітімге қол қойылған алғашқы күні гуманитарлық көмекті жеткізу шарттары орындалды.