Халықтың дауысы мен үміті ұрланды: Қазақстан депутаттығына экс-кандидаттар сайлау туралы не ойлайды

Мәжіліс пен мәслихаттар депутаттарының сайлауында жеңімпаздардың есімдері жарияланғаннан кейін бесінші және төртінші округтердің экс-кандидаттары дауыс беру нәтижелерін бұрмалағанын мәлімдеді. Айбек Барысов, Оразалы Ержанов, Мұхтар Тайжан және Тоғжан Қожалиеваның штабтары ОСК-ны сотқа бермек.

Айбек Барысовтың штабындағылар Наурызбай ауданында дауыстарды санау процедурасы «нағыз тозаққа» айналғанын айтты. Бақылаушылар үстелдерін 10 метрден жақын қоюға рұқсат етілмеді, олардың көпшілігі хаттамаларды ала алмады, сонымен қатар шабуылға ұшырады.

«Бүгін біз сананы шатастырып, адастыруға тырысатын белгілі бір күштердің бар екеніне көз жеткіздік. Біз жасырын Аманатшының жеңісін мойындамаймыз. Әділ сайлау туралы, өзін-өзі ұсынған кандидаттардың сайлауға түсу мүмкіндігі туралы айтылғандардың бәрі Аманат пен учаскелік комиссиялардың әрекетімен жоққа шығарылды. Біз хаттамаларды күтеміз» деп бөлісті штаб.

Орда.kz тілшісіне Әсет Матаевтың сенімді адамы Тұрар Оразымбетовтың айтуынша, Таусамалы ықшамауданындағы № 187 орта мектептегі № 542 сайлау учаскесінің төрайымы Баян Жомартова Түсіпханқызы үміткерлердің дауысын тез жариялап,  хаттаманы суретке түсіру мүмкіндік бермей, бақылаушыларға еш мән берместен шығып кеткен.

Тұрар Оразымбетов комиссия мүшелерінің бүкіл процесті және бюллетеньдерді денелерімен жауып, қоршап алғанына наразы. Бұл да көрсетпеудің бір тәсілі.

— Дауыс беруден кейін бақылаушыларға дауыстарды санау барысымен жақынырақ танысуға рұқсат етілмеді. Урналардың ашылуы арасындағы қашықтық әдеттегіден үлкен болды. Олар санау процесін және бюллетеньдерді денелерімен жауып тұрды. Біз ештеңе көре алмадық. Нәтижесінде бізге  хаттаманы көруге және суретке түсіруге рұқсат етілмеді. Сайлау учаскесінің төрайымы Баян Жомартова Түсіпханқызы оны көрсетудің орнына кандидаттардан жиналған дауыстарды тез жариялап, жиып-тергенін дорбаға  салып, шығып кетті. Тек барлығы ашық, бақылаушыларға көрініп тұрғанын және хаттаманы алу  үшін таңғы беске дейін күтуге тура келетітін айып, кетіп қалды, - дейді кандидат Әсет Матаевтың сенімді адамы.

Сондай-ақ, Тұрар Оразымбетовтың айтуынша, комиссия мен бақылаушылардың дауыс бергендер саны туралы есептері де мүлде сәйкес келмеген.

Мұхтар Тайжан болса «үлкен қылмыс жасалды, ол үшін Тоқаев, Қошанов, Қарин, Әшімбаев, Балаева заң алдында жауап береді» деп ашынды:

«Бұл сайлау заңсыз. Халықтың даусымен «ойнаған» үлкен қылмыс болды, бейне дәлелдер көп. Тоқаев, Қошанов, Қарин, Әшімбаев, Балаевалар өздері өкілдері болып табылатын ескі Қазақстанның дәстүрлері бойынша сайлау өткізді. 20-30 жыл бойы олар бірінші президентке жеке басына табынушылықты құруға көмектесті. Қазір ол жойылды, бірақ олар сол рухта жұмыс істей береді. Халықтың дауысы ұрланды. Бұл үшін заң алдында жауап беретін уақыт келеді. Біз сотқа береміз, өйткені біздің есеп бойынша мен 5-ші айналымда жеңдім. Екінші орында Динара Егеубаева болса, үшінші орын Әсет Матаевтікі еді. Бақытжан Базарбек үздік үштікке де кіре алмады».

Оразалы Ержанов та дауыс беру нәтижелерінің бұрмаланғанына толық сенімді:

«Сайлау нәтижелерінің бұрмаланғаны күмәнсіз. Әрине, біз іс-шаралар жоспарын ұсынып отырмыз, бірақ мен жариялауға дайын емеспін. Сайлау тек әділетсіз ғана емес, бүкіл ел білетін ұрлық мұнда да қоданылды деп ойлаймын. Олар халықтың үмітін ұрлады. Бұл мүлдем әділетсіз сайлаулар. Мойындағым келмейді, тіпті Назарбаевтың кезінде де мұндай заңсыздық, осындай қорқақтық болмаған шығар деп ойлаймын».

Бұған дейін экс-кандидаттар Президент пен Орталық сайлау комитетіне видео үндеу түсірген болатын.