Халықтың алдында Жигули Дайрабаевтың ар-ожданы таза – депутат

Мәжіліс депутаты Анас Баққожаев әріптесі Жигули Дайрабаевтың ұлдарына қатысты іске пікірін білдірді.

Бұл туралы el.kz хабарлайды.

«Аталмыш жағдай туралы біз сайлауға дейін де білдік. Бұл бұрыннан келе жатқан мәселенің бірі. Кандидатты тіркеген уақытта қолымызда толық ақпарат болды және алдағы уақытта қандай тәуекелдер болатынын да білдік», – дейді депутат.

Сондай-ақ, мәжілісмен сот шешіміне қарай олар ересек азаматтар болғандықтан, заң және қоғам алдында бәріне бірдей жауап беруге міндетті деп есептейді.

«Ал Жигули Дайрабаевтың жеке өз басына және бұл іске де ешқандай қатысы жоқ. Ол абыройы бар азамат, ары таза, біздің партиямыздың бір мүшесі. Осы бір аптаның ішінде өзін белсенді көрсетіп жатыр. Сондықтан да фракция ретіндегі біздің көзқарасымыз осындай», – деді «Ауыл» партиясы фракциясының жетекшісі, депутат Анас Баққожаев.

Еске сала кетейік, Мәжіліс депутаты Жигули Дайрабаевтың ұлдары 550 миллионнан аса қаржы жымқырған деген айыппен сотталған еді.