Халықаралық волонтерлар форумына қатысуға өтінім қабылдау басталды

20-21 маусымда Астанада өтетін форумға еліміздің әр өңірінен төрт жеңімпаз қатысады.

Қазақстан Республикасы Ақпарат және әлеуметтік даму министрлігі, волонтерлардың республикалық фронт-офисі, «Ұлттық волонтерлік желі» ұйымдастыратын Халықаралық волонтерлар форумына қатысуға өтінімдерді қабылдау туралы хабарлады.

Байқауға қатысуға 18 жасқа дейінгі белсенді волонтерлар, волонтерлік жобалардың үйлестірушілері, волонтерлік ұйымдардың жетекшілері, бастамашыл топтар шақырылады.

Байқау ережелерімен танысып, қалаған адам  өтініш бере алады.

Өтінімдер 15 мамырға дейін қабылданады, байқау қорытындысы 25 мамырдан кейін жарияланады. Еліміздің әр өңірінен төрт жеңімпаз 20-21 маусымда Астанада өтетін Халықаралық волонтерлар форумының қатысушысы атанады.

«Форум волонтерлар мен волонтерлік ұйымдар үшін ең ірі халықаралық іс-шаралардың біріне айналады, оған 30-дан астам елден, сондай-ақ Қазақстанның бардық өңірлерінен делегаттар қатысады деп күтілуде. Қазақстан Президенті Қасым-Жомарт Тоқаевтың халықаралық еріктілерді жұмылдыру жылын өткізу туралы бастамасы», - деп хабарлады министрлік.