«Халық парламенті» жиыны жаппай серуенмен аяқталды

Алматыда Мәжіліс пен мәслихат депутаттығына бұрынғы кандидаттар кірген «Халық парламентінің» алғашқы отырысы өтті.

Абай даңғылының бойындағы ақын Абай ескерткішінің алды өздерін «Халық парламенті» (19 наурыздағы сайлау нәтижесімен келіспейтін мәжіліс пен мәслихат депутаттығына бұрынғы  үміткерлер)  деп атаған белсенді топ өкілдерінің серуендеп келіп, тоқтаған жері болды.

Қатысушылар бірауыздан  Абай метро бекеті  жанына жиналды. Маңайда торуылап жүрген азғантай тәртіп сақшылары да  жаяу жүргіншілерге байсалдылық танытты. Ешкімді жұлқылап, сүйреп, ұстаған жоқ.

«Халық парламенті» сайлау заңнамасының ашықтығы мен жариялылығын, сондай-ақ кандидаттарды тіркеу тәртібін қамтамасыз ету мақсатында оларды өзгерту бойынша 7 жұмыс тобын құру туралы шешім қабылдады.

Сондай-ақ, олар депутаттық мандаттарды үш есе ұлғайта отырып, Мәжіліске үлкен өкілеттіктер беру, президенттік басқарудан парламенттік басқару түріне көшу бойынша жалпыхалықтық референдум өткізу туралы ұсыныстарын бекітіп, тарасты.