Халыққа салмақ салмау үшін газ бағасы «біртіндеп» қымбаттайды

Қазақстанда газ бағасы 14%-ға қымбаттады.Бұл туралы энергетика министрі Алмасадам Сәтқалиев мәлімдеді.

Оның айтуынша, тауарлық газдың бекітілген көтерме сауда бағасы бір мың метр куб үшін 23 646 теңге, ал тауарлық газдың орташа құны 33 169 теңге болды.

«Газ саласына инвестиция тарту үшін және тауарлық газдың өзіндік құнына қол жеткізу үшін бағаны көтереміз. Халық үшін бағаның күрт өсуіне жол берілмейді. Газ бағасы біртіндеп көтеріледі. Мәселен, осы жылы 1 шілдеден бастап еліміздің ішкі нарығында тауарлық газды көтерме саудада өткізудің шекті бағасы қайта қаралып, орта есеппен 14,6 пайызға ұлғайды», — деді Сәтқалиев үкімет отырысында.

Жалпы, министрлік үш жыл ішінде ішкі нарықта газды сатудың шығынсыз болуына қол жеткізуді жоспарлап отыр.