Халықаралық іздеуде жүрген адам Астанадан табылды

cover Фото: freepik.com

Астанада халықаралық іздеуде жүрген шетелдік ұсталды, деп хабарлайды Orda.kz

 ІІМ-нің мәліметінше, алаяқтық жасады деп айыпталған 36 жастағы ер адам елорда да қолған түскен. Белгілі болғандай, ол 2022 жылдың қыркүйек айында Ташкент қаласында жергілікті тұрғынды Chevrolet Lacetti автокөлігін алып беремін деп алдап, 12 мың АҚШ долларын иемденген. Алаяқ қаражатты өз қажетіне жаратқан. Ол қылмыстық жауапкершіліктен жасырыну үшін Қазақстан аумағында бой тасалаған. 

«2023 жылдың мамыр айында Ташкент қаласының ішкі істер департаменті күдіктіні халықаралық іздеуге жариялап, сот бұлтартпау шарасы ретінде оны қамауға алу туралы шешім шығарған. Қазіргі уақытта ұсталған азамат уақытша ұстау изоляторына қамалды, оны Өзбекстан Республикасына экстрадициялау мәселесі қарастырылып жатыр» делінген хабарламада. 


Жаңалықтар

барлық жаңалықтар