Халықаралық банк еліміздің су жүйесін қаржыландырмақ

Қазақстанның энергетика министрі Алмасадам Сәтқалиев Лондонда Азия даму банкімен (АДБ) маңызды келісімге қол қойды.

Бұл туралы ҚР энергетика министрлігі хабарлады.

Азия даму банкі қолдаған бағдарлама Балқаш, Алакөл және Ертіс-Зайсан бассейндеріндегі гидроэлектр станцияларының жобалауын, қаржыландыруды, құрылысын және эксплуатациясын қамтиды. АДБ техникалық және аукциондық құжаттарды, соның ішінде алдын ала ТЭО және энергия сатып алу келісімшартын дайындауға қаржы бөледі. 600 МВт қуаттылығы бар ГЭС жобасы бойынша алғашқы аукциондық сауда-саттық өткізу жоспарланып жатыр. Бұл құжаттаманы дайындау уақытын және ресурстарды қысқартуға мүмкіндік береді.

Министр Сәтқалиев келісімге экологиялық таза технологияларды тарту мен метан шығарындыларын азайту бойынша шараларды әзірлеу де кіретінін атап өтті. Бұл келісім Қазақстанның энергетикалық инфрақұрылымын модернизациялау және экологиялық көрсеткіштерін жақсартуға деген ұмтылысын көрсетеді.