Халықтың вакцина егуден бас тарту мәселесі талқыланды

Nur Otan фракциясынан Қазақстан Парламенті Мәжілісінің депутаттары еліміздің премьер-министрі Асқар Маминге сауал жолдады. Партия өкілдері өздерінің басты талабы ретінде ел аймақтарына COVID-19 вакцинасын жеткізудің нақты жоспарын, халықтың барлық топтарын вакциналау кестесін және елдегі барлық вакциналау пункттері туралы толық ақпаратты ұсынуды сұрады.

Фракция өкілі Ирина Унжакова Денсаулық сақтау министрлігі халықты вакциналау бойынша кең ауқымды жұмыс пен түсіндіру науқаны туралы үнемі мәлімдейтінін атап өтті.

— Бірақ, өкінішке қарай, біз бұл жұмыстың нәтижелерін көрмейміз. Немесе олар соншалықты мардымсыз, олар елдегі жағдайдың жақсаруына ықпал етпейді және халықтың наразылығын тудырады. Әзірге аурудың төмендемейтіні анық, керісінше, covid-19 бойынша «қызыл» аймаққа кіретін аймақтардың саны артып келеді, – деді Унжакова.

Халық егуді қайда алу керектігін білмейтін елдегі қазіргі жағдайды депутат өткен жылғы халық ПТР-тестілеуден қайда өту керектігін табуға тырысқан кездегі жағдаймен салыстырды. Сол кездері ПТР тестті қайдан өту керектігі жайлы ақпарат болмады.

Мәжіліс өкілі сондай-ақ Израиль, Ұлыбритания, Словакия, Словения, Сербия, Сингапур және басқа да бірқатар елдерде халықтың 50-90% - на дейін егілгенін мәлімдеді.