Халықты Украинадан шығарған дипломаттар марапатқа ұсынылады

Тоқаев қазақстандықтарды Украинадан эвакуациялағаны үшін дипломаттарды мемлекеттік наградалармен марапаттауды тапсырды

Қасым-Жомарт Тоқаев дипломаттарды Украинадан қазақстандықтарды эвакуациялағаны үшін мемлекеттік наградалармен марапаттауды тапсырды, деп хабарлады Президенттің баспасөз хатшысы Берік Уәли.

«Президент Қасым-Жомарт Тоқаев Қазақстан азаматтарын Украинадан эвакуациялау бойынша Сыртқы істер министрлігі мен басқа да ведомстволардың жұмысын жіті бақылауда. Мемлекет басшысы қабылданған шараларды жалпы нәтижелі деп бағалайды. Соғыс басталғаннан бері 553 отандасымызға көмек көрсетілсе, оның 432-сі отанына оралды. Олардың көпшілігі құтқарылғаны үшін презмдентке алғыстарын білдіреді»  делінген хабарламада.

Оның айтуынша, Украинадан біздің азаматтарды эвакуациялау бойынша дипломатиялық бөлімнің қызметі жалғасуда.

«7 наурызда Мемлекет басшысы Сыртқы істер министрі Мұхтар Тілеуберді мен Қазақстанның Украинадағы Елшісі Дархан Кәлетаевқа осы елден Қазақстан азаматтарын эвакуациялауға қатысқан дипломаттарды, Украинадағы құрметті консулдарды, басқа да ведомстволардың қызметкерлерін мемлекеттік наградалармен марапаттауды тапсырды»  деп түйіндеді Уәли.