Халықаралық олимпиада комитеті Токио Олимпиадасын кейінге шегермейді

Халықаралық олимпиада комитеті коронавирустық пандемияға байланысты 2021 жылға шегерілген Токиодағы жазғы Олимпиада ойындарын шегергісі келмейді. Бұл туралы ХОК мүшесі Ричард Паунд айтты, деп хабарлайды ОRDA «Известияға» сілтеме жасап.

ХОК мүшесінің айтуынша, егер коронавирус пандемиясы аяқталмаса сайыс көрермендерсіз өтеді.

2020 жылдың желтоқсанында 2021 жылы Токиода жазғы Олимпиада мен Паралимпиада ойындарын өткізуге қажетті сома шамамен 1,6 триллион иенді (15,4 миллиард доллар) құрайды деп хабарланды.

Токио Олимпиадасы 2020 жылдың 24 шілдесінен 9 тамызына дейін өтуі керек еді. Коронавирустық пандемияға байланысты байқау бір жылға шегерілді және 2021 жылдың 23 шілдесінен 8 тамызына дейін өтеді. Еске салсақ, ойын атауы «Токио-2020» күйінде қалды.  

Маусым айында Токио ойындарын ұйымдастыру комитеті келесі жылғы жарыстың форматын жеңілдетуді ресми түрде қолдады.