Халықаралық олимпиадаға қатысқан оқушының сыйақысы қандай болатыны белгілі болды

ҚР Білім және ғылым министрі Асхат Аймағамбетов халықаралық интеллектуалдық олимпиадалардың жеңімпаздары мен жүлдегерлері алатын ақшалай сыйлықтардың мөлшерін жариялады.

Бұл туралы Orda.kz хабарлады.

Министр интеллектуалды, шығармашылық, спорттық бағыттар мен WorldSkills бойынша халықаралық байқаулар жеңімпаздарының жоғары оқу орындарына конкурсқа қатыспай түсуге грант беру мәселесі заңды түрде реттелетінін айтты.

– Зияткерлік бағыттар бойынша халықаралық олимпиадаларға қатысушыларды ынталандыру және қолдау мақсатында номиналдар бойынша бір реттік ақшалай сыйлықтарды белгілеу жоспарлануда:

• алтынға - 1500 АЕК мөлшерінде (4,37 млн теңге);
• күміске - 1000 АЕК мөлшерінде (2,9 млн теңге);
• қолаға - 500 АЕК мөлшерінде (1,4 млн теңге)

Сондай-ақ, оның айтуынша, жеңімпаздарды дайындаған мұғалімдер мен тәлімгерлерге 1000 АЕК-ке дейінгі көлемде бір реттік ақшалай сыйақы қарастырылған.

Министр бұл шараларды жүзеге асыру үшін «Білім туралы» заңға білім беру саласындағы уәкілетті органның құзыретіне халықаралық олимпиадалардың жеңімпаздары мен жүлдегерлерін көтермелеу ережелерін енгізу бөлігінде өзгерістер енгізілетінін айтты.

Аймағамбетов халықаралық турнир олимпиадаларының жеңімпаздары мен жүлдегерлері болатын мектеп оқушыларына жоғары оқу орындарына конкурстан тыс негізде түсу үшін гранттар беріледі және оларға бір реттік ақшалай сыйақы төленетінін айтты. Дарынды балаларды тәрбиелеген мұғалімдерге де материалдық ынталандыру төленетін болады.