Халық Алматы облысының әкімі Амандық Баталовтың қызметінен кетуін талап етеді
Жұртшылық Алматы облысының әкімі Амандық Баталовты қызметінен кетуін сұрайды, деп жазады Ratel.kz –ге сілтеме жасап ORDA. Облыс халқы аймақтағы сыбайлас жемқорлықтың өсуіне наразы.
Бұқаралық ақпарат құралдарында Алматы облысының білім басқармасының бастығы Майгүл Омарова мен оның әріптестерінің ұсталғаны туралы ақпарат жарияланғаннан кейін, облыстың көптеген тұрғындары аймақта сыбайластықтың күн санап өсіп келе жатқанына наразы болды. Жұртшылық әлеуметтік желілерге ашулы жазбалар қалдырып, Whatsapp-қа хабарлама жіберді.
Ratel.kz тілшісі Іле ауданының азаматтық белсендісі Жан Шыңғысовтан оның облыс әкімі Амандық Баталовтың отставкаға кетуі туралы талабына түсініктеме беруін сұрап хабарласқан. Жан Шыңғысов ұзақ уақыт бойы саяжай мәселелерімен айналысады. Ол осы қауымдастықтардың заңдастырылуын және онда тұратын адамдарға қолайлы тұрмыстық жағдай жасалуын талап етеді.
«Жемқорлық жолына түскен барлық әкімдерді Амандық Баталов жеке өзі тағайындады. Қарапайым мысал - Талғар облысының ұсталған экс-әкімі Серікжан Ерекешев. Бұған дейін ол Іле аймағында қызмет атқарған. Оның басшылығында қала маңындағы жерлерде, әсіресе «Жомарт» тұтынушылар кооперативінде алаяқтықтар болды. Жауапкершілікке тартылудың орнына, ол Баталовтың қолымен «жоғарылатылады», - дейді белсенді.
Жан Шыңғысов 2019 жылы Талдықорғанға Баталовпен кездесуге барғанын, оның алдын-ала жазылғандығына қарамастан әкімнің қабылдамағанын. Оны сол кездегі баспасөз қызметінің хатшысы Жүкел қабылдағанын айтады.
«Кейін, мен тағы да 2020 жылы Талғарға Баталовпен кездесуге бардым, оған барлық фактілерді жеткіздім. Ол саяжай мәселелерін шешуге уәде берді, бірақ ештеңе жасамады. Содан кейін Іле ауданы әкімінің сол кездегі орынбасары мені және менің отбасымды қорқыта бастады. Менің жеке басыма қатысты ақпаратты пайдалануға көшті. Куәгерлер, фактілер бар, бірақ істі Іле ауданы полиция бөлімі мен Алматы облысының прокуратурасы жауып тастады. Екі жарым жылдан бері біздің Баталовқа айтқан барлық өтініштеріміз жауапсыз сырғытылуда. Ол тіпті бәрін өз көзімен көруге келген де жоқ», - дейді Жан Шыңғысов.
Жанның айтуынша, облыстық білім басқармасының бастығы Майгүл Омарованың ұсталуы оны мүлдем таң қалдырмаған. Ол қазірдің өзінде құзырлы органдарға оны осы қызметке тағайындағандарды табу туралы талаппен шағым жіберген.
«Қазақстан Республикасындағы жергілікті мемлекеттік басқару және өзін-өзі басқару туралы» заңға сәйкес облыстық деңгейдегі басқарма басшыларын облыс әкімі өзі тағайындайды.
«Transparency Kazakhstan» қоғамдық қорының мәліметі бойынша, Алматы облысы тұрғындары сыбайлас жемқорлыққа жиі кездесетін аймақтар тізімінде. Одан басқа Жамбыл, Батыс Қазақстан, Қарағанды, Қызылорда және Атырау облыстары да осы тізімде.
Жаңалықтар
- Қазақстан мұнай өндіруді арттыра ма?
- Қазақстанда утиль алымға қарсы петиция екі аптада 12 мың қол жинады
- Алматыдағы Гагарин даңғылының бір бөлігін қазақстандық әншінің құрметіне берілуі мүмкін
- Гүлзада Сержанға 50 АЕК көлемінде айыппұл салынды
- ҰҚК академиясының түлегі «Қазақстан инжиниринг» ұлттық компаниясын басқарды
- Әйелі зорлық-зомбылық көргенін мәлімдеген қазақстандық дипломаттың ісі туралы айтылды
- Қазақстандық азамат шетелдік компаниядан 180 миллион доллар бопсалаған
- Қазақстан бұрынғы уақыт белдеуіне оралуы мүмкін
- Әбіләзовтың сыбайласы Бельгиядан Қазақстанға оралды
- Құлсары қаласының тұрғындары Жылыой ауданы әкімдігінің ғимараты алдында митинг өткізді
- Маңғыстау облыстық полициясы, ҰҚК, прокуратура басшылары отставкаға жіберілді
- Мағзұм Мырзағалиев «ҚазМұнайГаз» басшысы қызметінен босатылды
- Дональд Трамптың ұшағы апатқа ұшырады
- Айуандықпен кісі өлтірді деген күдікті Түркиядан экстрадицияланды
- Грузия парламенті «шетелдік агенттер туралы» заңды қабылдады
- СҚО-да аудан әкімінің орынбасары ұсталды
- Индерде кіреберіс жолды су басқанына байланысты тұрғындарды қайықпен тасымалдап жатыр
- Ұлттық Банктің инвестицияларды зерттеуге арналған гранты Назарбаев Университетіне берілді
- Қазақстанда ұсталған қарақалпақ белсенділері өз елінде сотталды
- Денсаулық сақтау вице-министрі қызметінен босатылды