Хабиб Нурмагомедов ресми түрде зейнетке шықты

15 мамырда Нурмагомедовке тиесілі болған чемпиондық белбеуді кім алатындығы белгілі болады.

Бұл туралы UFC басшысы Дана Уайт өзінің Twitter-дегі аккаунтында хабарлады.

– Ол ресми түрде зейнеткерлікке шықты. Сіздің жұмысыңызды бақылап отыру керемет болды, бәріне рахмет. Әрі қарай не болатынынан ләззат ал, досым, - деп жазды Уайт.

Нурмагомедовке тиесілі бос чемпиондық белбеу үшін күрес 15 мамырда UFC 262-де өтеді. Америкалық Майкл Чандлер мен бразилиялық Чарлис Оливейра кездеседі.

Хабиб Нурмагомедов кәсіпқой мансабында 29 жекпе-жек өткізіп, бірде-бір рет жеңілмеген.

Еске салсақ, 2020 жылы Forbes журналы оны 40 жасқа дейінгі ең табысты ресейліктер рейтингінің көшін бастады деген.