«Хабар» агенттігінің басқарма төрағасы қызметінен кетті

Ерлан Бекхожин «Хабар» мемлекеттік агенттігінің басқарма төрағасы қызметінен кетті.

Ведомство сайтында оның еңбек келісім-шартының мерзімі аяқталды деп жазылған. Бекхожин басқа жұмысқа ауысуына байланысты қызметінен кетті.

Басқарма төрағасының міндетін атқарушы болып Ринат Кертаев тағайындалды. Ол бұған дейін Бекхожиннің бірінші орынбасары қызметін атқарған.

Бекхожин 2019 жылдан бері «Хабар» агенттігінің басқарма төрағасы қызметін атқарды. Кезінде «Жеті күн» («Хабар») бағдарламасының жүргізушісі, «Мир» телерадиокомпаниясының Қазақстандағы филиалының директоры, «Литер медиа» ЖШС бас директоры қызметтерін атқарған.

2009-2019 жылдар аралығында Қазақстан президентінің телерадиокешенінің бас директоры қызметін атқарған.