ХҒС экипажы жердегі адамдарды жеңіс күнімен құттықтады

Халықаралық ғарыш станциясы бортындағы Роскосмос ғарышкерлері Олег Новицкий мен Петр Дубров, НАСА астронавты Марк Ванде Хай жердің барлық тұрғындарын жеңіс күнімен құттықтады.

Бұл туралы Orda.kz.  ақпараттық порталы РИА Новости-ге сілтеме жасап  хабарлады.

Ғарышкер Петр Дубров Ұлы Отан соғысы аяқталған күн адамзат өркениетінің болашақ бейбіт дамуын анықтағанын атап өтті.

— Жауынгерлер мен тыл еңбеккерлерінің ерлігі әрқашан біздің есімізде. Миллиондаған құрбандардың естелігін құрметтейміз, біздің ата-бабларымыз жойқын әскери күштерді тоқтатты, адамдарға бейбітшілік, өмір сүру құқығы мен бостандық  сыйлады. Осының бәрі  біз есімізде  әрқашан қасиетті естеліктер ретінде қала бермек, - деді Олег Новицкий.

Америкалық ғарышкер құттықтауларға қосыла отырып, бүкіл адамзатқа бейбіт аспан, зор денсаулық, бақ-береке және қуаныш тіледі.

Марк Ванде Хай Халықаралық ғарыш станциясы экипажының мүшелерін бір мақсат біріктіреді - бұл адамзат игілігі үшін жаңалықтар мен зерттеулерге ұмтылу деп қосты.