«Ғылым академиясы мен Саясат Нұрбектің тартысы»: Назарбаев академик атағынан айырылды ма?

Ұлттық ғылым академиясы ғылым министрі Саясат Нұрбектің экс-президент Нұрсұлтан Назарбаевтың академик атағынан айырылғаны жөніндегі мәлімдемесін теріске шығарды.

Бұл туралы Orda.kz хабарлады.

24 шілде күні Саясат Нұрбек жаңартылған академиктер тізімінде Назарбаевтың жоқ екенін және тек тоғыз адамның қалғанын айтқан болатын. 

Осыған жауап ретінде Ғылым академиясы академик атағы бар 146 адамды атап және соның ішінде Назарбаевтың бар екенін хабарлады. Академияның айтуынша, академик атағы өмір бойына беріледі және тек академия мүшелерінің немесе соттың шешімімен ғана өзгертілуі мүмкін.

ҚР ғылым және жоғары білім министрі Нұрсұлтан Нарзарбаевтың академик атағынан айырылғанын растаған соң, ҚР БАҚ беттері ұлардай шулаған болатын. Академия бұл мәлімдемені жоққа шығарған соң, бұл жайлы Саясат Нұрбек ҚазТАГ сайтына «қоғамның академигі» ретінде деген жауап қайырды.

«Ол осы ескі академияның академигі, бұл академия қоғамдық ұйым мәртебесінде болғандықтын, ол оның академигі болып қала береді. Президент жанындағы жаңа Ұлттық академияда академик атағы нағыз ғалымдарға қойылатын қатаң талаптар бойынша конкурс арқылы ғана беріледі», — деді Саясат Нұрбек.