Гүлмира Сатыбалдыға қатысты алғашқы алдын ала тыңдау қалай өтті?

Қайрат Сатыбалдының бұрынғы әйелі кәсіпкерді заңсыз түрмеге қамап, аса ірі көлемде бопсалады деп айыпталып отыр, деп хабарлайды Orda.kz порталы.

Бүгін Алматы қаласының қылмыстық істер жөніндегі мамандандырылған ауданаралық сотында Гүлмира Сатыбалдының ісі бойынша алдын ала тыңдау өтті. Адвокаттар сотты жабық есік жағдайында өткізуді сұрады. Судья әлі шешім шығарған жоқ. Ертең тыңдаулар ашық режимде жалғасады.

Сатыбалдыға Қылмыстық кодекстің 126 «Заңсыз бас бостандығынан айыру» және  194 баптың 3-бөлігі «Ірі мөлшерде мүлікті тартып алу мақсатында бопсалау» баптары бойынша айып тағылуда. Іске басқа тұлғалар да қатысты.

Сотталушы алқабилер қатысуынан бас тартты.

Назарбаевтың бұрынғы келіні 2022 жылы 16 наурызда Антикор қызметкерлерімен ұсталды. Бір жыл бұрын ол тонап, ұрлап, бөтеннің мүлкін талан-таражға салғаны үшін жеті жылға сотталған. Алайда, кейін Сатыбалдыға жаңа қылмыстар тағылды.