Гвинея Эбола эпидемиясының басталғанын жариялады

Үш өлген адамның қанында вирустың бар екендігі расталды, төртінші тест нәтижелері әлі дайын емес. Эбола елде 2016 жылдан бері тіркелген жоқ.

Гвинея билігі елдің оңтүстік-шығысында Эбола эпидемиясының басталғанын ресми түрде жариялады, деп хабарлады Guinee114 жаңалықтар порталы.

Үкімет хабарламасында:

Гвинея Үкіметі Нзерекор префектурасы мен Гуеке ауданында Эбола індеті тарағаны туралы жариялады. Дағдарыс кеңесі эпидемияға қарсы іс – қимыл шараларын енгізу туралы шешім қабылдады.

Бірінші оқиға Гуеке қаласында тіркелді - медбике ауырып, 28 қаңтарда қайтыс болды. Жұқтырған жеті адам анықталды, олар әйелдің жерлеу рәсіміне қатысқан.

Дүниежүзілік денсаулық сақтау ұйымы Гвинеяға көмек көрсету үшін қолда бар ресурстарды шұғыл түрде пайдаланатынын мәлімдеді.

ДДСҰ-ның Гвинеядағы өкілі Альфред Джордж КИ-Зербо.

Гвинея 2014-2016 жылдары Батыс Африкада Эбола індетінің эпицентрлерінің бірі болды. Африканың осы бөлігінде 11,3 мың адам қайтыс болды, 28 мыңнан астам адам ауруды жұқтырды.