Ғұсман Қырғызбаевтың егізі

Париж Олимпиадасында үшінші орын алған дзюдошы Ғұсман Қырғызбаев спорттық мансабын егіз ағасымен басқа спорт түрінен бастаған. Ұлттық және Ат спорты орталығында ағайынды Қырғызбаевтардың мансабы туралы айтылды, деп хабарлайды ҚазАқпарат.

Ғұсман Қырғызбаев пен оның егіз інісі Ғұмар Қырғызбаев спорттық мансабын қазақ күресінде бастағаны белгілі болды.

Ғұсман - қазақ күресінен халықаралық дәрежедегі спорт шебері. 2016 жылы ол Қытайда өткен әлем біріншілігінде 60 келіге дейінгі санатта чемпион атанды.

Спорттық мансап туралы ойлана отырып, егіздер олимпиадалық спорт түрі – дзюдоға ауысқан.

Болашақ Олимпиада жүлдегері дзюдодан ұлттық құраманың мүшесі болды. Ал оның ағасы Ғұмар өткен жылы спорттық мансабын аяқтап, ұлттық және Ат спорты орталығында әдіскер болып жұмыс істейді.

Естеріңізге сала кетейік, 28 шілдеде дзюдошы Ғұсман Қырғызбаев Париж Олимпиадасында қола медаль иегері атанды. Сол күні спортшы бұл ойындар оның мансабындағы соңғы ойындары болады деп мәлімдеме жасады.