Гурбангулы Бердімұхамедов ШЫҰ саммитіне қатысу үшін Астанаға келді 

Түрікменстан Халк маслахатының төрағасы Гурбангулы Бердімұхамедов Астанаға келді.

Әуежайда  Бердімұхамедовты Қазақстан премьер-министрі Олжас Бектенов қарсы алды.
 
Гурбангулы Бердімұхамедов «ШЫҰ плюс» форматындағы кездесуге қатысады. Ол «Көпжақты диалогты нығайту – орнықты бейбітшілік пен дамуға ұмтылу» ұранымен өтеді. Отырысқа мемлекет басшылары, құрметті қонақтар және халықаралық ұйымдардың өкілдері қатысады.
 
Қазақстан мен Түрікменстан арасындағы дипломатиялық қатынастар достық пен стратегиялық әріптестік негізінде дамуда. Транзиттік-көлік саласында бірлескен өзара тиімді жобалар бар, газ саласындағы ынтымақтастықты дамыту бойынша қадамдар белгіленген.
 
 Өткен жылдың қорытындысы бойынша Қазақстан мен Түрікменстан арасындағы өзара сауда көлемі 563 млн доллар болды. Осылайша 2022 жылмен салыстырғанда 28%-ға ұлғайды. Биыл да оң үрдіс сақталды: 4 айда өзара сауда көлемі өсіп, 167,8 млн долларға жетті.