Гүлнәр Кәрімованың 336 миллион доллары тәркіленді

Өзбекстанның экс-президенті Ислам Кәрімовтың үлкен қызы Гүлнар Кәрімованың шетелге шығарған қаражатын отанға қайтару ісі жүргізіліп жатыр.

Бұл туралы республиканың әділет министрінің орынбасары Музраф Икрамов хабарлады. 

Ресей астанасы Мәскеуде Гүлнәр Кәрімова сатып алған алты пәтер тәркіленді. Мәскеу қалалық соты «соломондық шешім» шығарды: пәтерлерді сатып және алынған қаражатты Өзбекстан мен Ресей арасында тең бөлінеді. Барлық процедураларды ресейлік сот орындаушылары жүзеге асырады.

Бұл транзакциялардан қандай соманы алуға болатынын вице-министр жариялаған жоқ.

Сондай-ақ, Gazeta.uz хабарлағандай, Кәрімованың Швейцариядағы активтерін қайтару жалғасуда. Үш қылмыстық іс бойынша оның швейцарлық банктерге 686 миллион доллар шығарғаны анықталды.

Музраф Икрамовтың айтуынша, жақын арада Өзбекстанға 131 миллион доллар қайтарылады. 350 миллионды қайтару туралы іс сотта қаралып, 205 миллионды қайтару мәселесі шешіліп жатыр.

Қаражат Өзбекстан бюджетіне жету үшін БҰҰ қамқорлығымен жұмыс істейтін «Uzbekistan Vision 2030» трасттық қоры құрылды. Алынған қаржыны Ташкент денсаулық сақтау мен білім беруге жұмсауды жоспарлап отыр.

Гүлнәр Кәрімова Өзбекстанның экс-президенті Ислам Кәрімовтың үлкен қызы. Оның айналасындағы жанжал 2012 жылы басталды. Оған ақша жымқырды, бопсалады, бөтеннің мүлкін иемденді, өтемақы алды және басқа да баптар бойынша айып тағылды. 

Бірнеше жыл үйқамақта болған соң, 2019 жылы Кәрімова Ташкент облысындағы түзеу колониясына ауыстырылды. 2020 жылы тағы бір іс аясында оның жазасы 13 жылға бас бостандығынан айыруға ұласты. 

Сол жылы Кәрімова Өзбекстан президенті Мирзиеевке ашық хат жазып, онда бостандыққа айырбас ретінде Швейцарияның барлық активтерін қайтаруға уәде берген, бірақ барлық үкім өз күшінде қалды.