Грузияда Қазақстанның құрметті консулдығы ашылды

Белгілі грузин кәсіпкері Ираклий Какаладзе Горидегі құрметті консул болып тағайындалды.

Грузияның тарихи-географиялық аймағындағы Шида-Картли аймағында консулдық округі бар Гори қаласында Қазақстанның Құрметті консулдығының салтанатты ашылу рәсімі өтті, деп хабарлайды ҚР Сыртқы істер министрлігінің баспасөз қызметі.

Іс-шараға Грузия Сыртқы істер министрлігінің, Шида Картли аймағының атқарушы билігінің, академиялық және іскер топтарының өкілдері қатысты.

Қазақстан Елшісі Мәлік Мурзалин құттықтау сөзінде бұл тағайындау Қазақстан-Грузин қарым-қатынасының жоғары деңгейі мен оны нығайту бағытында тағы бір дәлел екенін атап өтті.

«Бұл үдерісте Құрметті консул ең алдымен іскерлік, мәдени-гуманитарлық, спорттық және туристік байланыстарды дамытуда маңызды рөл атқарады. Әрине, қазақстандық азаматтарға көмектесуге және олардың мүдделерін Грузияда білдіруге, түрлі бірлескен іс-шаралар өткізуге басымдық беру керек», - деді Елші.

Шида-Картли аймағының губернаторы Михаил Шакулашвили өз сөзінде Қазақстан тарапына Гориде өз аймағының астанасында Құрметті консулдық ашу туралы шешімі үшін алғыс айтты. Бұл мекеме екі республиканың облыстары мен қалалары арасындағы экономикалық ынтымақтастықты, инвестицияны, туризмді және ғылыми-мәдени алмасуды дамытуға ықпал ететінін мәлімдеді.

Қазақстан Елшісі Мәлік Мурзалин құттықтау сөзінде бұл тағайындау Қазақстан-Грузин қарым-қатынасының жоғары деңгейі мен оны нығайту бағытында тағы бір дәлел екенін атап өтті.

Горидегі құрметті консул болып Қарағандыда ұзақ уақыт тұрған белгілі грузин кәсіпкері Ираклий Какаладзе тағайындалды. Айта кетейік, бұл Қазақстанның Грузиядағы төртінші құрметті консулдығы.