Грузияда «шетел агенттері» туралы заңға қарсы жаппай наразылықтар: Тбилисидегі жағдай шиеленісе түсті

Сәуірдің 29-ына қараған түні парламент ғимаратының жанында «Шетелдік ықпалдың ашықтығы туралы» заң жобасына қарсы шеру өтіп жатқан жерде жағдай ушыға түсті.

Бұл туралы Deutsche Welle хабарлайды.

Мыңдаған демонстрацияға қатысушылар биліктегі «Грузин арманы» партиясының митингісіне дайындалған сахнаны күзетіп тұрған полициямен қақтығысқа түсті.

Мұнда Грузияның Еуропалық интеграция бойынша бұрынғы министрі Алексей Петриашвили ұсталды. Тбилиси қалалық әкімшілігі митингті «рұқсат етілмеген» деп атады. Алайда құқық қорғаушылар наразылық акцияларын үйлестіру талап етілмейтінін айтады. Заң солай дейді.

«Шетел агенттері» туралы заңның екінші оқылымы 30 сәуірде өтеді.

«Еуроодақ бұл заңның қабылдануы Грузияның еуропалық интеграциясын тоқтатуы мүмкін деп ескертті. 2023 жылдың желтоқсанында ел ЕО-ға кандидат мәртебесін алды» деп хабарлайды Deutsche Welle.