Грузияда сайлау нәтижелерінің бұрмалануына байланысты тергеу басталды

Грузия прокуратурасы 26 қазанда елде өткен парламент сайлауын бұрмалау фактісі бойынша тергеу басталғанын жариялады, деп хабарлайды Orda.kz.

Тбилисиде сайлау нәтижелеріне қарсы жаппай наразылық акциясы өтті. Ресми мәліметке сәйкес, «Грузин арманы» басқарушы партиясы өткен парламент сайлауында жеңіске жетіп, сайлаушылардың шамамен 54% дауысын жинады.

Грузия президенті Саломе Зурабишвили де, оппозиция да өткен сайлаудың заңдылығын мойындамай, сайлау нәтижелерінің бұрмаланғаны туралы мәлімдеді.

«ОСК мәлімдемесіне және бұқаралық ақпарат құралдарында жарияланған ақпаратқа сәйкес, Грузия президенті Саломе Зурабишвилидің 2024 жылғы парламент сайлауын бұрмалауға қатысы болуы мүмкін деген дәлелдер бар. Сондықтан, заңға сәйкес Грузия президенті 31 қазанда тергеу органдарына жауап алуға шақырылды» делінген ведомство мәлімдемесінде.