Грузияда «Батуми мұнай терминалынан» шикі мұнай ұрлаған 3 қазақстандық ұсталды

Грузияның тергеу органдары «Батуми мұнай терминалынан» мұнай ұрлаған Қазақстанның үш азаматын ұстады, деп хабарлайды Orda.kz. 

Қазақстан азаматтары кеденді айналып өтіп, 10 мың тоннадан астам шикі мұнайды сату схемасын ұйымдастырды деген күдікке ілінді. Іс контрабанда және кедендік ережелерді бұзу туралы баптар бойынша қозғалды. Айыпталушылар 11-15 жылға бас бостандығынан айырылуы мүмкін.

Компания басшылығы барлық қызметкерлер жұмысын жалғастырып жатқанын, терминал Грузия заңнамасы шеңберінде жұмыс істейтінін және қызметкерлердің құқықтары мен заңды мүдделері сақталатынын атап өтті. «Батуми мұнай терминалы» тергеу талаптарына байланысты қосымша түсініктеме бермеді. 

 «Батуми мұнай терминалы» 2017 жылдан бастап «ҚазТрансОйл» АҚ-ға тиесілі және Грузиядағы өндірістік активтер мен теңіз портын басқарады.

Айта кетейік, Құлыбаев қазақстандықтардың зейнетақысын Domino’s Pizza акциясын сатып алуға жұмсады.