Грузия қазақстандықтарды кіргізбей, депортациялап жатыр

ҚР сыртқы істер министрлігі соңғы уақытта қазақстандықтардың Грузия аумағына кіруіне жиі тыйым салынып жатқанын, ал кейбіреулерінің кейін депортацияланғанын атап өтті, деп хабарлайды Orda.kz.

Бұл өзекті мәселе 14 мамыр күні екі елдің сыртқы істер министрлері арасындағы кездесуде көтерілді.

Министрлік өкілдерінің айтуынша, қазақстандықтардың басым бөлігі Грузияға туристік мақсатта барады.

«Грузия тарапы мамыр айының басынан бері мұндай жағдайлар азайғанын, бұл үрдіс алдағы уақытта да жалғасатынын жеткізді» деп жазылған ҚР СІМ хабарламасында.

Тбилиси қазақстандық саяхатшыларға барынша қолайлы жағдай жасайтындарын айтып, уәде берді.