Грузия билігі «шетелдік агенттер» туралы заңды қайтадан қабылдауға мүделлі

Үкіметтің «Грузия арманы» партиясы 2023 жылы наразылық тудырған заңды қайтадан ұсынып отыр. Билік сыртқы ықпалдың ашықтығына қол жеткізгісі келеді.

Бұл туралы Euronews хабарлайды.

Заң жобасына қарсылар бұл Ресейдегі «шетел агенттері» туралы заңға ұқсайды және басқа пікірді басып, БАҚ бостандығын шектейді дейді.

Үкімет бұл заңды парламент отырысының соңына дейін қабылдауды жоспарлап отыр.
Бұл заң 2023 жылдың наурыз айында ұсынылды, бірақ кейін бүкіл елде наразылық шерулері басталып, демонстранттар мен полиция арасындағы қақтығыстарға әкелді. Құқық қорғау органдары жиналғандарды тарату үшін су атқыштар мен көзден жас ағызатын газ қолданды. Нәтижесінде парламент даулы мәтінді қараудан бас тартты.

«Бүгін біз бастаған заң жобасында «шетелдік ықпал агенті» терминінің орнына «шетелдік державаның мүддесін көздейтін ұйым» термині қолданылады». Заң жобасының қалған барлық бөлімдері өзгеріссіз қалды» деді «Грузия арманы» партиясының басшылығы.